దేశ-సమాజ సంరక్షకులు పోలీసులు
దేశ-సమాజ సంరక్షకులు పోలీసులు
-- జర్నలిస్టు తెలుగు దినపత్రిక-టీవీ న్యూస్....
మంచిర్యాల న్యూస్,అక్టోబరు-21,జర్నలిస్టు తెలుగు దినపత్రిక-టీవీ న్యూస్: పంచమంతా నిద్రపోయినా మేల్కొని ఉండే ఒకే ఒక్కడు..పోలీస్ మాత్రమే అని చెప్పడంలో అసలు సందేహం లేదు.ఆ క్రమంలో చూస్తే...ప్రపంచమంతా నిద్రలో ఉంటే వీరు శాంతిభద్రతల పరిరక్షణ నిమిత్తం కాపలా కాస్తుంటారు.ఆ నేపథ్యంలోనే ఎండ,వాన,పగలు,రాత్రి అనే తేడా అసలు లేకుండా కుటుంబంతో కలిసి జరుపుకునే పండగ పబ్బాల్ని కూడా త్యజించి,ప్రజల కోసం జీవించి,మరణించిన పోలీసు అమరవీరులు ఎందరో.. ఉన్నారు.ప్రాణాలను పణంగా పెట్టి ప్రజల కోసం పోలీసు చేసిన త్యాగానికి సానుభూతి,గౌరవం చూపించడం మనందరి బాధ్యతగా ఉండాలి.ఆ తరుణంలో పోలీసుల బాధ్యత నిర్వర్తించడానికి ముందుకు రాబోతున్న వారికి విధి నిర్వహణలో నూతనోత్తేజాన్ని,స్ఫూర్తిని నింపడమే పోలీసు అమరవీరుల సంస్మరణ దినం జరుపుకోవడంలోని ప్రధాన ఉద్దేశంగా తెలుస్తుంది.అక్టోబర్ 21-అంటే పోలీసు అమరవీరుల దినం.గతంలో ప్రపంచాన్ని అంతా అతలాకుతలం చేసిన కరోనా గత్తర కాలంలో పోలీసుల సేవలు మరువలేం.మన కాళ్లు బయటకు రాకుండా..నిత్యం శ్రమిస్తూ అనేక మంది ఆ మహమ్మారి కరోనా కాటుకు బలైనారు.పోలీసు విధి నిర్వహణ చాలా శ్రమతో కూడుకున్నది.ఇతర ఉద్యోగుల్లా కొన్ని గంటలకు మాత్రమే పరిమితమయింది కాదు.ఇరవై నాలుగు గంటల ఉద్యోగం ఒక్క పోలీసు ఉద్యోగమే.ఆ పోలీసులు లేని సమాజాన్ని ఊహించుకోలేం.అన్ని పరిస్థితుల్లో అన్ని వేళల్లో పోలీసులే ముందుం టారు.ప్రతి ఒక్కరూ ప్రతీ అవసరానికీ సాయం కోరేది పోలీసులనే.దండెత్తి వచ్చే శత్రువుల నుంచి దేశాన్ని కాపాడే వారు సైనిక జవానులైతే,అంతర్గత శత్రువుల నుంచి ప్రజలను కాపాడి,భద్రతకు భరోసా ఇచ్చేది,సామాజిక ఆస్తులను సంరక్షించేది పోలీసులు.శాంతిభద్రతలను అదుపులో పెట్టడం,నేరగాళ్లను నియంత్రించడం పోలీసు కర్తవ్యం.నిద్రాహారాలు మాని డ్యూటీలు చేసే పోలీసులంటే అటు అధికారులకు,ఇటు సమాజానికి చిన్నచూపే.సమయపాలన లేని విధులు,పై అధికారులతో తిట్లు,జనంతో ఛీత్కారాలు..ఇలా ఎన్నోసమస్యలను ఎదుర్కొంటున్నారు.అనేక సమస్యలు,ఒత్తిడులు ఎన్ని ఎదురైనా సమాజమనే కుటుంబాన్ని రక్షించడానికి నిరంతరం సూర్యునిలా కృషి చేస్తున్న పోలీసులకు కృతజ్ఞతలు తెలుపుతున్నాము.ముఖ్యంగా పోలీసులను గౌరవించడం మనందరి బాధ్యతగా గుర్తు చేస్తూ అందరం తప్పకుండా పోలీసులకు సెల్యూట్ చేద్దాం...అందరికీ ధన్యవాదములు.
Comments
Post a Comment